မင်းကွန်းက ပုထိုးတော်ကြီးဘုရားကို ရောက်ချိန်မှာ နေအတော်မြင့်နေပြီ။
အညာနွေရဲ့ မွန်းတည့်လု နေပူဒဏ်ကို မခံနိုင်တာကြောင့် ပုထိုးတော်ကြီး
အပေါ်ကို မတက်ဖြစ်ခဲ့ဘူး။ ပုထိုးတော်ကြီးဘုရားကနေ အရှေ့ဘက်ကို
မျှော်ကြည့်လိုက်တော့ ဧရာဝတီမြစ်ကြီး … ပြီးတော့ ခြင်္သေ့လို့တောင်
မပီပြင်တော့တဲ့ ခြင်္သေ့ကြီးနှစ်ကောင်ရဲ့ ကြွင်းကျန်ရစ်သော အပိုင်းအစတွေ။
သမိုင်းထဲက ခြင်္သေ့ကြီးတွေရဲ့ ရုပ်ကြွင်းတွေ ... ဆိုပါတော့ ... ။
ပုထိုးတော်ကြီးနဲ့ ခြင်္သေ့ကြီးရဲ့ ရုပ်ကြွင်းတွေကို ကြည့်ပြီး ဘိုးတော်ဘုရားနဲ့ ဦးပေါ်ဦးကို သတိတရ ဖြစ်မိသွားတယ်။
ဘိုးတော်ဘုရားရဲ့ အမိန့်တော်အရ ပုထိုးတော်ကြီး အနီးမှာ တည်ဆောက်ထားတဲ့ ခြင်္သေ့ကြီးတွေ ပြီးခါစမှာ ဦးပေါ်ဦးက လာကြည့်ပြီး
"ခြင်္သေ့ကြီး ခြင်္သေ့ကြီးတွေနဲ့ နာမည်ကြီးနေလိုက်တာ ခု ... ကြည့်တော့လဲ ..."
လို့ ဝေဖန်ဖို့ စကားအစ ... ခြင်္သေ့ကြီးတွေနောက်မှာ ပုန်းနေတဲ့ ဘိုးတော်ဘုရားက ရုတ်တရက် ထွက်လာပြီး ...
"ဟဲ့ ပေါ်ဦး ဆက်ပြောလေ ခု ကြည့်တော့ ဘာဖြစ်သလဲ ... " 
ဘိုးတော်ဘုရားရဲ့ အမိန့်တော်အရ ပုထိုးတော်ကြီး အနီးမှာ တည်ဆောက်ထားတဲ့ ခြင်္သေ့ကြီးတွေ ပြီးခါစမှာ ဦးပေါ်ဦးက လာကြည့်ပြီး
"ခြင်္သေ့ကြီး ခြင်္သေ့ကြီးတွေနဲ့ နာမည်ကြီးနေလိုက်တာ ခု ... ကြည့်တော့လဲ ..."
လို့ ဝေဖန်ဖို့ စကားအစ ... ခြင်္သေ့ကြီးတွေနောက်မှာ ပုန်းနေတဲ့ ဘိုးတော်ဘုရားက ရုတ်တရက် ထွက်လာပြီး ...
လည်း ဆိုရော ... ဦးပေါ်ဦးက
"ကြည့်တော့လဲ အသက်ဝင်လိုက်တာ ဧရာဝတီမြစ် တဖက်ကမ်းကို ခုန်ကူးတော့မယ့် အလားပါပဲ ဘုရား" ...
လို့ တမုဟုတ်ချင်း အလျှောက်ကောင်းလို့ အထောင်းသက်သာခဲ့ရတယ်။
.
.
.
.
ကိုယ်တိုင်လည်း ဒီခြင်္သေ့ပျက်ကြီးတွေကို ဓာတ်ပုံရိုက်ယူရင်း တဖက်ကမ်းကို ခုန်ကူးတော့မယ့်အလား ဦးပေါ်ဦးနှုတ်ဖျားမှာ အသက်ဝင်ခဲ့တဲ့ တခါက ခြင်္သေ့ကြီးတွေကို ပြန်မြင်ယောင် တွေးတောနေမိတယ်။
ကြွင်းကျန်ရစ်တဲ့ ခြင်္သေ့ကြီးရဲ့ ကိုယ်ထည် အပိုင်းအစပေါ်မှာတော့ အမှိုက်မပစ်ရ ဒဏ်ငွေ ၅၀၀၀ လို့ ထုံးနဲ့ ကမ္ဗည်းထိုးထားလေရဲ့။
***
Credit ..by
မေဓာဝီ
၂၀ ၊ ၀၃ ၊ ၂၀၁၆
၁၆း၃၆ နာရီ
No comments:
Post a Comment